Leikskóladeild

Hríseyjarskóli er samrekinn leik- og grunnskóli og leikskóladeildin heitir Smábær. Veturinn 2025 – 2026 eru 4 nemendur á aldrinum tveggja og hálfs árs til fjögurra og hálfs árs. Í Smábæ er líflegt og skemmtileg starf unnið og í hverri viku er farið í lubbastund,, unnið að ýmis konar sköpun. Við vinnum með það að styrkja hvert og eitt barn og styrkleika þess. Líkamsvitund og heilbrigði er hluti af okkar starfi, sömuleiðis vinnum við með umhverfisvitund barnanna. Sjálfbærni og vísindi vinnum eru okkur hugleikinn og gerum tilraunir af ýmsum toga, vinnum með grunnform og reynum beita þeim og skilja. Hríseyjarskóli er Heilsueflandi skóli og Grænfánaskóli og því er lögð rík áhersla á heilbrigða lífshætti og umhverfisvitund  meðal annars að flokka rusl og koma því á sinn stað í flokkunarmiðstöð.

Smábær er opinn frá 07:45 – 16:00 alla virka daga. Öll pláss eru seld með morgunmat, hádegismat og síðdegishressingu, við fáum mat sendan úr skólamötuneytinu alla virka daga. Við leikskólann starfar einn starfsmaður í fullu starfi, einnig eru tvö hlutastörf 50% og 20%. Smábær notast við Karellen skráningarkerfið.

Hægt er að sækja um leikskólapláss með því að hafa samband við skólastjóra í síma: 466-1763 eða senda póst á netfangið: thorarno@akmennt.is

Einkunnarorð Hríseyjarskóla eru; Hríseyjarskóli – skapandi samfélag.