Ávaxtasending frá Hríseyjarbúðinni
Nemendur og starfsfólk Hríseyjarskóla tók þátt í átakinu Göngum í skólann í september. Við vorum dugleg að koma gangandi eða hjólandi í skólann og auk þess stóðum við fyrir gönguferð um þorpið tvisvar sinnum í viku. Í síðustu viku lukum við átakinu með því að ganga saman Hringinn og fengum glæsilega ávaxtasendingu í boði Hríseyjarbúðarinnar. Elstu nemendur skólans skáru niður ávextina og allir fengu ávexti saman. Við þökkum Hríseyjarbúðinni kærlega fyrir glæsilega sendingu.
