Brettavöllur við Hríseyjarskóla
Nú hefur verið settur upp hjóla-/brettavöllur við Hríseyjarskóla. Miklar framkvæmdir voru á skólalóðinni í maí við jarðvegsskipti, malbikun og uppsetningu vallarins. Framkvæmdin var unnin í samstarfi við Hverfisráð Hríseyjar sem hefur fengið ráðstafað framkvæmdafé frá Akureyrarbæ undanfarin ár. Við hjá Hríseyjarskóla fögnum þessari framkvæmd og vonum að völlurinn nýtist vel jafnt íbúum sem gestum eyjarinnar. Jafnframt biðjum við alla að ganga vel um svæðið og nota viðeigandi hlífðarbúnað.
